روسیه افغانستان را در بخش تحصیلی کمک می کند
وزارت تحصیلات عالی گفته است که لطف الله خیرخواه معین علمی این وزارت با معاون وزارت تحصیلات عالی روسیه و وزیر تحصیلات عالی تاتارستان درباره‌ی همکاری‌های مشترک تحصیلی از جمله امضای تفاهم‌نامه‌ها، بورسیه‌های تحصیلی و سمینارهای علمی گفت‌وگو کرده است.
وزارت تحصیلات عالی در صفحه‌ی تویتر خود نوشته که معاون وزارت تحصیلات عالی روسیه بر اهمیت همکاری‌های مشترک در زمینه تحصیلات عالی اشاره کرده و وعده سپرده است که روسیه، افغانستان را در بخش تحصیلی کمک خواهد کرد.
معین علمی وزارت تحصیلات عالی افغانستان که برای شرکت به نشست “روسیه – جهان اسلام” به تاتارستان روسیه رفته است در نشست “مجمع کازان” اشتراک و درباره‌ی اوضاع تحصیلات عالی افغانستان صحبت کرده است.
